Wasan kwaikwayo ne wanda ya kunshi labarin wata makaranta da take fuskatar kalubale da bangaren rashin zuwa da guduwar dalibai daga makaranta sakamakon yawan faduwar jarrabawa. Haka ne ya sanya ma’aikatan makarantar su ka koma satar amsa a jarrabawa dan dalibansu su tsallake jarrabawa. Mr. Akasa shi ne mataimakin shugaban makarantar, mutum ne wanda ya dade yana jan dalibansa a jiki yana koyar da su sanin ya kamata da amfanin yin karatu dan tsallake jarrabawa. Duk da zabin makarantar na samarwa da dalibanta amsar jarrabawa, sai daliban makarantar su ka rike amana su ka nuna sanin ya kamata su ka ki bada hadin kai da satar amsar jarrabawar duk da rashin kasancewar Mr. Akasa cikin makarantar a lokacin sakamakon rashin lafiya.